A torre de Meirama segue en pé..., polo menos no escudo do concello

A torre de refrixeración da central térmica de Meirama, que foi derrubada cunha demolición controlada este mércores, forma parte do deseño do escudo do concello de Cerceda.

Na súa parte baixa, o símbolo heráldico do municipio coruñés inclúe o perfil da que foi a central térmica, coa torre desaparecida. Tamén está a cheminea máis alta que se prevé derrubar nos próximos meses.

Agora queda por saber se o concello tomará a iniciativa de deseñar un novo escudo ou se manterá a imaxe da central como recordo do que un día foi a principal industria da comarca.