Xinzo de Limia ultima os preparativos a unha semana do inicio do Entroido
Xinzo de Limia ultima os preparativos a unha semana do inicio do Entroido
O "petardazo" marcará o próximo sábado día 8 o inicio do mes máis festeiro en Xinzo
As reservas hoteleiras para os días grandes doi Entroido xa están completas
A unha semana do petardazo que marcará o inicio do Entroido en Xinzo, as máquina de coser apuran a dar puntadas, os entroideiros revisan as pantallas gardadas nos armarios como roupa de gala e repoñen as que se estragaron o ano pasado. Xa case está listo o traxe co que sairán por primeira vez o próximo 23 de febreiro, domingo corredoiro.
Mentres, restaurante e hoteis completan as reservas, que non quedan xa para os días grandes.
"Nós cremos que cada ano vai a máis, chama máis xente e nas rúas vese máis afluencia. Temos case todo completo, para as fins de semana anteriores e para a propia do Entroido. Moita xente segue chamando buscando onde quedar", asegura Carlos Gil, xerente do hotel Xinzo
"Normalmente traballamos un ou dous e no Entroido estamos ata cinco persoas á vez. Todo o mes está cheo e vén xente de fóra que goza do Entroido", di Carlos Enríquez, restaurador do LCH Xinzo
O programa festeiro ocupa todas as fins de semana durante un mes completo. De aí que os preparativos para tanta celebración ocupen moitas horas previas, que se converten xa en xornadas de encontro e esmorga de comparsas e asociacións.
