A venda de viaxes do Imserso para a temporada 2023-2024 comeza este xoves

A comercialización das viaxes do Imserso para a tempada 2023-2024 comezará este xoves, 26 de outubro. Hai en total máis de 886.269 prazas, 70.000 máis que na edición anterior. 

Os residentes en Galicia xunto cos das comunidades autónomas de Aragón, Asturias, Castela-A Mancha, Cataluña, Illas Baleares, Illas Canarias, A Rioxa, Navarra, País Vasco e a Cidade Autónoma de Ceuta poderán comezar a reservar as súas viaxes a partir deste xoves. No caso de Andalucía, Cantabria, Castela e León, Comunidade Valenciana, Estremadura, Madrid, Murcia e Melilla, a venda estará dispoñible a partir do 28 de outubro. A partir do 2 de novembro, ábrese a posibilidade de reservar as viaxes que quedasen sen comercializar de calquera provincia.

Os prezos desta tempada varían segundo o destino e o número de noites (entre 3 e 9) e oscilan entre os 124 e os 435 euros, incluíndo aloxamento, pensión completa e transporte.