Ábrese este mércores o prazo para reservar viaxes do Imserso en Galicia

En Galicia o prazo para reservar as viaxes do Imserso ábrese este mércores. Porén nas axencias autorizadas para tramitalas, este martes xa traballan sen descanso. Recollen os datos e as preferencias dos seus clientes para poder xestionar as súas solicitudes con rapidez, en canto se abra oficialmente o prazo.  

O programa do Imserso ofrece variedade de destinos a prezos moi competitivos. Os beneficiarios poden viaxar acompañados, aínda que a súa parella ou a persoa coa que convivan non cumpra os requisitos de idade ou pensión.