A xuíza arquiva a causa aberta a Colau por coaccións a un fondo de investimento

A xuíza arquivou a causa aberta contra a exalcaldesa de Barcelona Ada Colau por mor da querela presentada polo fondo de investimento Vauras ao descartar que coaccionase á inmobiliaria para obrigala a ofrecer alugueiro social a familias desafiuzadas.

Nun auto a que tivo acceso EFE, a titular do Xulgado de Instrución número 18 de Barcelona, de acordo co criterio da Fiscalía, acorda arquivar a investigación que abriu a Colau, aos exconcelleiros do seu equipo Marc Serra e Lucía Martín e á responsable do departamento de disciplina de Vivenda e Inspección do consistorio.

Tras investigar a querela, que levou a exalcaldesa a declarar como imputada antes das eleccións municipais, a xuíza concluíu que Colau non interveu en ningunha das reunións en que o fondo investidor dixo ser coaccionado e que, de todos os xeitos, a inmobiliaria nunca foi obxecto de ameazas.