A Xunta corrixirá as filtracións de auga da Catedral de Lugo
A Xunta corrixirá as filtracións de auga da Catedral de Lugo
Os técnicos actuarán baixo a praza para mellorar a canalización das augas e eliminar as humidades
Os traballos, presupostados en 400.000 euros, durarán cinco meses
![](https://img-g24-crtvg.flumotion.com/prog24/2024/20240620/catedrallugo.png)
A Xunta realizará unha actuación de emerxencia para solucionar as continuas filtracións de auga que afectan á catedral de Lugo. Están relacionadas co pasado romano da cidade.
Os traballos de restauración no claustro da basílica deixaron ao descuberto a principal cloaca da cidade naquela época. Unha infraestrutura, a catro metros de profundidade, situada baixo a praza de Santa María.
Os técnicos ven necesario actuar baixo a praza para mellorar a canalización das augas e así eliminar as humidades.
A Xunta estima que o seu custo será duns 400.000 euros. O Concello di que dará todas as facilidades para que os traballos, que durarán uns 5 meses, comecen canto antes.