A Xunta deseñará unha rede de aparcadoiros seguros para camioneiras

Tan só o 3 % dos profesionais do transporte de mercadorías son mulleres. Para facilitar a incorporación das que queiran traballar neste sector, Galicia vai deseñar unha rede de aparcadoiros seguros, para que as transportistas poidan descansar con máis comodidades.

Haberá 1.500 prazas con servizo de vixilancia repartidas por todo o territorio galego. O presidente da Xunta sinalou que con esta decisión “Galicia vai ser a primeira comunidade en contar cunha rede de aparcadoiros públicos seguros para camións” para que os traballadores poidan facer “noite con toda seguridade e dignidade”.

Para iso, os aparcadoiros seguros contarán “con servizo de vixilancia, peche perimetral, iluminación adecuada ou outros servizos como duchas”, explicou o presidente galego.