A Xunta Electoral de Galicia arquiva a denuncia de Vox sobre o debate deixándoo fóra
A Xunta Electoral de Galicia arquiva a denuncia de Vox sobre o debate deixándoo fóra
O organismo entende que Vox non é un grupo político "significativo", polo que avala a súa exclusión
![](https://img-g24-crtvg.flumotion.com/prog24/2023/20230528/INCIDENCIASEANECDOTASGALICIA_frame_2695.png)
A Xunta Electoral de Galicia arquivou este sábado a denuncia de Vox sobre o debate electoral da CRTVG, que o deixa fóra do mesmo.
O partido político recorreu as condicións do debate electoral ao incluír só o PPdeG, BNG, PSdeG, Sumar e Podemos. Vox entende que está nas mesmas condicións que os dous últimos partidos, que actualmente se atopan fóra do Parlamento de Galicia.
Con todo, a Xunta Electoral de Galicia entende que Vox non é un grupo político "significativo", polo que avala a súa exclusión.
Anteriormente, Vox participara no debate da Corporación Radio e Televisión de Galicia previo ás eleccións autonómicas de 2020.
Esta denuncia quedou arquivada, aínda que contra esta resolución cabe interpoñer recurso de alzada.