A Xunta tramita un decreto para que as farmacias leven menciñas á casa
A Xunta tramita un decreto para que as farmacias leven menciñas á casa
O servizo estaría dispoñible para persoas dependentes ou que viven en zonas illadas
Serán as farmacias máis próximas ao lugar de residencia as responsables da entrega
O proxecto aínda está en consultas, pero a idea é que os doentes con dependencia ou residentes en zonas illadas dispoñan do seu medicamento sen saír da casa, subministrado pola propia farmacia.
O servizo está pensado para superar as dificultades que algunhas persoas enfermas teñen para desprazarse ao hospital ou á botica a buscar a súa menciña.
A entrega do medicamento será a través dalgunha das cinco farmacias máis próximas ao domicilio do paciente e con todas as garantías.
Xa comezaron as consultas aos profesionais implicados. Durante a pandemia xa funcionou un sistema semellante de entrega de fármacos a domicilio. Cóntase que o decreto que se está a tramitar comece a aplicarse a principios do próximo ano.
