Abre ao público o Castelo de Doiras, declarado Ben de Interese Cultural no 1994

O Concello de Cervantes e a Deputación de Lugo pagaron preto dun millón de euros á fudación Xosé Soto de Fión, a última propietaria dun castelo que se construiu no século XV e que pertenceu durante séculos á familia Osorio.

Este castelo é un referente nos Ancares, un símbolo da identidade das cervantegas e cervantegos, que agora acollen con moita satisfacción sabérense donos dun castelo que terá dous usos fundamentais: para actividades sociais e culturais da veciñanza e tamén un espazo para os turistas, a porta de acceso a esta zona da montaña luguesa.