Abre as súas portas o Hotel Faro Silleiro en Baiona
O presidente da Xunta participou na súa inauguración e destacou a importancia de recuperar infraestruturas emblemáticas para poñer en valor a costa
Ofrece 17 cuartos a todos os que queiran gozar do litoral galego
Ao abrigo do Camiño Portugués da Costa, o Faro Silleiro abre as súas portas reconvertido en hotel. Sen perder o seu uso orixinal, ofrece 17 cuartos a todos os que queiran gozar da costa galega.
Alfonso Rueda dixo que, ao asumir as competencias da xestión do litoral, a Xunta vai poder traballar na recuperación do patrimonio galego.
"Primeiro imos crear riqueza e converter onde se poida o que agora son ruínas sen ningunha utilización en espazos que creen riqueza e emprego e que embelezan a costa dende o mar e dende terra", asegurou Rueda.
O Goberno galego investiu máis de 570.000 euros na rehabilitación do faro.
.jpg)
