O encoro dos Peares abre comportas para manter o equilibrio nos ríos

Boa parte dos encoros ourensáns aínda están a reflectir as consecuencias dos baleirados do verán polo que cómpre reaxustar o caudal das presas para manter o equilibrio nas concas dos ríos.

Unha das medidas adoptadas foi a de abrir as comportas do encoro dos Peares, situada xusto antes da confluencia entre o Sil e o Miño e a poucos quilómetros da presa de Velle, que levaba meses sen abrirse.