Desestiman a reclamación contra catro industrias lácteas ao considerar que prescribiron os feitos

As catro industrias leiteiras foran demandas por prácticas anticompetitivas. O xulgado mercantil de Lugo desestimou a reclamación por considerar que os feitos xa prescribiron.

O demandante, unha gandería de Sevilla, reclamaba millón e medio de euros a catro grandes industrias españolas entre as que están  Lactalis e Central Lechera Asturiana por pactar prezos e intercambiar información sobre a existencia de excedentes de leite. Prácticas ilegais que presuntamente realizaron dende o 2001 ao ano 2013.