Unha muller, en estado crítico tras caer cun coche por un terraplén de 50 metros no Saviñao

Aparatoso accidente no Saviñao, que deixa tres persoas feridas, unha delas en estado crítico. O vehículo en que viaxaban precipitouse por un terraplén duns 40 metros.

Vicente Simón, o sarxento do Parque de Bombeiros de Chantada, explica que foi un rescate dificultoso, no que houbo que izar con cordas a unha persoa ferida de gravidade.

Trátase dunha rapaza de vinte e dous anos, que está ingresada no HULA. A súa filla de dous anos e os seus pais tamén resultaron feridos, pero de menor gravidade. Os outros ocupantes do vehículo quedaron ilesos.

Os veciños subliñan que é unha estrada con curvas perigosas e na que cómpre ir amodo.