Aceleran os traballos de extinción en Castelló aproveitando a humidade e o pouco vento
Aceleran os traballos de extinción en Castelló aproveitando a humidade e o pouco vento
Os esforzos concéntranse nos arredores de Montán para evitar que as lapas alcancen a localidade
De momento non se prevén novos desaloxos pero tampouco que poidan volver ás súas casas os case 1.600 evacuados de nove municipios da comarca de Alto Mijares
As próximas horas serán decisivas para controlar o lume. Máis de 500 bombeiros e 23 medios aéreos aceleran ao máximo os traballos de extinción. Seguirán durante toda a noite, cando se prevén as condicións meteorolóxicas mais favorables, porque, a partir do xoves, volven as altas temperaturas e os fortes refachos de vento.
Os esforzos concéntranse nos arredores de Montán para evitar que as lapas alcancen a localidade. De momento, non se prevén novos desaloxos pero tampouco que poidan volver ás súas casas os case 1.600 evacuados de nove municipios da comarca de Alto Mijares.
Tamén se reforza a protección da Serra d´Espadá, un pulmón verde de gran valor. A NASA facilitou este martes imaxes nocturnas, que amosan unha superficie queimada de máis de 4.600 hectáreas. A Unidade militar de emerxencia traballa con drons para asegurar o perímetro e identificar os puntos quentes.
