Achan restos humanos dun bebé nunha planta de tratamento de residuos de Madrid
Achan restos humanos dun bebé nunha planta de tratamento de residuos de Madrid
Está a investigarse a procedencia do corpo localizado
Foto de arquivo (Alberto Ortega/Europa Press)
Axentes da Garda Civil investigan o achado de restos humanos dun bebé dunhas dúas semanas de vida no complexo de reciclaxe da planta de tratamento de residuos do municipio de Loeches, en Madrid.
Ás 01:46 horas deste xoves recibiron o aviso por parte dos empregados do centro de reciclaxe e ata o lugar trasladáronse gardas civís de Loeches, do Equipo de Policía Xudicial de Arganda del Rey e da Unidade Orgánica de Policía Xudicial da Comandancia de Madrid.
Máis tarde, ás 05:50 horas, os axentes realizaron o levantamento do cadáver e traslado ata o Instituto de Medicina Legal para a realización da autopsia.
A Garda Civil solicita colaboración cidadá para tentar pescudar se alguén detectou a ausencia dalgún neonato nas últimas horas, que puidese acoutar a procedencia do recentemente nado.
En caso de que queiran achegar algún dato, rógase que chamen ao 062.
