Adeus ás botellas de auga a un euro nos aeroportos
Adeus ás botellas de auga a un euro nos aeroportos
Unha sentenza do Tribunal Supremo elimina as limitacións de prezos para os arrendatarios dos espazos comerciais nos aeroportos
Aena limitou o prezo da auga en 2018, sumándose a unha recomendación do Consello Internacional de Aeroportos. Un euro tiña que custar a botella de 33 cl nas tendas, e a de medio litro nas máquinas expendedoras.
Unha sentenza do Tribunal Supremo pon fin ás limitacións de prezos nestes espazos comerciais. Determina que se estas empresas son simples arrendatarias e non concesionarias dun servizo, Aena non pode impoñerlles determinadas condicións.
Aena tivo que eliminar esixencias dos pregos de condicións dos concursos, e dar liberdade ás empresas sobre determinados aspectos como a fixación de prezos. Por iso, cando vaian vencendo os contratos en vigor, poderá subir o prezo da auga nas máquinas e as tendas dos aeroportos.
No aeroporto de Santiago de Compostela aínda manteñen a limitación de prezos, e polo momento pode adquirirse unha botella de auga a un euro.