Atopan o corpo sen vida dunha muller na praia de Santa Mariña, en Ponteceso
Atopan o corpo sen vida dunha muller na praia de Santa Mariña, en Ponteceso
O corpo foi localizado no areal pouco despois das seis da tarde
Apareceu o corpo sen vida dunha muller esta tarde na praia de Santa Mariña, na parroquia de Niñóns, no municipio de Ponteceso. O cadáver foi localizado na area, fóra da auga, dez minutos despois das seis da tarde.
Tras recibir unha chamada de alerta, o 112 avisou o 061, os Bombeiros de Bergantiños, o GES de Ponteceso, a Garda Civil e Protección Civil de Ponteceso. Cando os servizos de emerxencia chegaron ao lugar só puideron confirmar o falecemento da muller.
🔴#AXEGAInforma da localización dun corpo sen vida na praia de Santa Mariña, en Niñóns, Ponteceso.
— 112Galicia (@112Galicia) October 14, 2023
Interviñeron: Urxencias Sanitarias de Galicia-061, Bombeiros de Bergantiños, GES de Ponteceso, @guardiacivil e Protección Civil.
👉https://t.co/qAbdp0MTSL pic.twitter.com/XrBjppY2Pl
