O cadáver aparecido en Rianxo é o do septuaxenario desaparecido en Boiro

Atopan o corpo dun home no mar na desembocadura do río Ulla á altura de Punta Abuín, en Rianxo.

Trátase de Félix Triñanes, un veciño de Boiro de 74 anos, desaparecido a primeiros de mes. 

O home saíu pescar á praia de Mañóns e xa non volveu. A súa muller denunciou a súa desaparición o día 1 de outubro.

Un amplo dispositivo buscouno durante días sen éxito. 

Agora o corpo será trasladado ao Instituto de Medicina Legal de Galicia para esclarecer as causas da súa morte.