Agresión ao patrimonio: unha parella de mozos divírtese escalando a catedral de Santiago 

A Asociación para a Defensa do Patrimonio Galego denunciou a diversión dos mozos que agatuñaron pola fachada da Catedral de Santiago de noite. Alguén os gravou o e difundiu nas redes sociais dunha conta universitaria. 

Pódese ver como polo menos un rapaz logra superar a reixa da escalinata mentres anima unha moza a que o imite, escalando e apoiándose nas pedras. Pódense escoitar tamén berros doutros esporeándoos. O vídeo xa foi retirado.

O Concello de Santiago aínda non ten identificados os responsables deste atentado ao patrimonio.