Alfonso Rueda: "Son uns presupostos inflados"

O presidente da Xunta, Alfonso Rueda, considera que o proxecto de Presupostos Xerais do Estado que o Goberno central presentou este xoves no Congreso son unhas contas "infladas".  O xefe do executivo galego di tamén que semella que algunhas das medidas que inclúen as contas do Goberno central parecen feitas para "facerlles oposición" ás anunciadas polas comunidades autónomas.

Rueda tamén valorou a inclusión nos orzamentos xerais dunha achega para a creación de 1.000 prazas en Medicina. O presidente da Xunta defende que esta medida non soluciona a situación actual da Sanidade pública, porque os "titulados sairán dentro duns cantos anos".