Álvaro Carreras: "Sempre teño presente a opción de ir á selección absoluta"

O rival do Atlético en Champions será o Benfica. No equipo portugués xoga o galego Álvaro Carreras. O lateral ferrolán compareceu na sala de prensa na previa do encontro. 

Carreras ocupa de xeito habitual a parte esquerda da defensa do equipo portugués. É un habitual da selección sub-21: "Estou orgulloso de poder estar na sub-21 e sempre está presente a opción de ir á absoluta" declarou na previa do partido.

En referencia ao rival deste mércores asegurou que "o Atlético é moi ofensivo e pensando en nós podemos xogar polos carreiros e eu podo xogar máis ofensivo e conectar cos atacantes".