Localizan desorientado o veciño de Sada desaparecido en Oleiros dende o xoves

Localizan en bo estado de saúde pero desorientado o veciño de Sada, de 47 anos, desaparecido dende o pasado xoves en Oleiros.

Integrantes do operativo, que retomara a súa busca este sábado, topárono arredor das dez da mañá no bosque de Xaz, preto do domicilio familiar na parroquia de Dorneda.

Perdéraselle a pista hai dous días a escasos quilómetros do lugar, nos arredores dun supermercado, tras marchar a pé dun control de alcoholemia no que dera positivo.

Nos labores de busca participaron unhas 500 persoas entre veciñanza, efectivos da Policía local, do Servizo Municipal de Emerxencias, de Protección Civil e da Garda Civil de Oleiros e de Sada.