Aparece nas augas da Barbanza o golfiño Manoliño cun arpón cravado no costado

Volveu aparecer nas costas da Barbanza o coñecido como golfiño Manoliño, pero desta volta apareceu ferido.

Ten un arpón cravado no costado. Foi visto no Freixo, en Outes. Membros de Protección Civil contactaron coa Coordinadora para o Estudo dos Mamíferos Mariños, a CEMMA, que recalca que ninguén debe achegarse ao animal e moito menos tentar quitarlle o arpón, xa que isto podería facer máis fonda a ferida.

Pídenlles ás embarcacións que se manteñan lonxe do golfiño. CEMMA estaría preparando un operativo na zona para localizar o animal e extraerlle o arpón.