Aprendendo a rescatar a fauna mariña da man da CEMMA
Aprendendo a rescatar a fauna mariña da man da CEMMA
A Coordinadora para o Estudo de Mamíferos Mariños organizou un simulacro de rescate en Vilagarcía
O traballo de concienciación e respecto polo medio hai que transmitilo desde os primeiros anos
Os veciños de Sobradelo, en Vilagarcía, acudiron ao simulacro de rescate de cetáceos, tartarugas e lobos mariños que se celebrou o domingo na casa de cultura ante as previsións meteorolóxicas que impedían facelo na paraia de Canelas, como estaba previsto.
A finalidade desta xornada é proporcionarlle á poboación, tamén aos cativos, as ferramentas necesarias para poder actuar sobre a fauna mariña varada que pode aparecer nas praias, cantís ou portos.
A maior parte dos animais que chegan á costa son exemplares xa mortos no mar, e,entre os que chegan vivos a rede de varamentos de Galicia debe valorar se son susceptibles de asistencia ou poden ser reintroducidos directamente ao mar.
Desde a Coordinadora para o Estudo de Mamíferos insisten na importancia de canalizar as alertas a través do teléfono de urxencias 112 e en simulacros como o celebrado en Vilagarcía dan a coñecer os primeiros auxilios que se lle poden prestar a un animal varado ata que chega o equipo especializado.
Nos últimos anos rexistrouse un aumento de varamentos e tamén de avisos á coordinadora. Tamén detectan unha maior conciencia social sobre a necesidade de respectar os animais mariños que chegan a terra ou que navegan polas augas litorias de pouca profundidade.
