Aragonès liga a duración da lexislatura aos acordos sobre financiamento e plurinacionalidade
Aragonès liga a duración da lexislatura aos acordos sobre financiamento e plurinacionalidade
O presidente da Generalitat di que o Goberno de Sánchez podería durar catro anos se cumpre cos pactos de investidura
Oriol Junqueras culpa a Junts da demora de dous meses no acordo da amnistía
O presidente catalán, Pere Aragonès, é diáfano: a duración da lexislatura de Pedro Sánchez dependerá do cumprimento dos compromisos adquiridos tras superar os atrancos da lei de amnistía.
"Se todo vai ben, esta lexislatura durará pois ata 2027. A parte da lei de amnistía hai outros acordos na investidura de Pedro Sánchez que se deben cumprir".
E cales son eses acordos para que o tren da lexislatura non descarrile? Aragonès refresca a memoria sobre o pactado:
"A apertura da negociación sobre o financiamento singular e propio para Cataluña, o traspaso dos trens de proximidade, aspectos da plurinacionalidade do Estado".
Mentres, o líder natural de Esquerra, Oriol Junqueras, lanzáballe un dardo a Junts sobre a lei de amnistía e o texto rexeitado en xaneiro.
"A principal diferenza é que perdemos un par de meses e que, polo tanto, agora o que toca é que se aplique o antes posible".
Junqueras deixa un recado. Di que coa amnistía non remata o procès, senón que "empeza todo".
