Arde un aeroxerador no monte Faro, o segundo deste parque no que vai de ano

Esta tarde ardeu, por segunda vez neste ano, un dos aeroxeradores do parque eólico do monte Faro.  Os condutores que circulaban pola zona alertaron o 112 ao ver a fumareda, que procedía do incendio na zona do motor.

Os bombeiros acudiron ao lugar, pero a altura que teñen os muíños non permite unha extinción rápida e por esa razón traballaron apagando as lapas do chan.

O mes de marzo pasado xa ardera outro neste mesmo parque.