As gasolineiras de baixo custo, unha alternativa nestas vacacións fronte á suba dos combustibles

"Para aforrar hoxe en día o mellor 'low cost' para poder aforrar uns euriños como moito".

É a opción de moitos condutores á hora de encher o seu depósito. Elixir unha gasolineira de baixo custo, onde o prezo está algo máis baixo que as estacións convencionais.

"Vinte céntimos ou algo máis de vinte céntimos por litro, máis ou menos".

Pero mesmo entre elas hai diferenzas de prezo, sobre todo, se non están na mesma zona. Algo que non entenden os propios condutores.

"Bastante disparado, parece que non se corresponde como debe ser. Hai moito imposto dunha gasolineira a outra, moita diferenza".

"Non hai que preguntar xa sabemos que está caro. Pero é o que hai, aquí todo o mundo tranquilo como se non pasara nada".

O seu crecemento aumentou moitísimo. Tanto é así que nunha mesma estrada poden competir dúas gasolineiras deste tipo, unha en fronte da outra pero en sentidos opostos. 

"Fíome un pouco da calidade e o mesmo tempo do prezo, pero a calidade quen a sabe. É un problema".

Son estacións de carga moi usadas e máis agora, co encarecemento dos combustibles. Os seus prezos esta semana rozan o 1,35 para o diésel, e o 1,43 para a gasolina. Se enchemos un depósito duns 60 litros podemos aforrar uns doce euros. 

"Iso ao mes nótase".

Son puntos de recarga sen case persoal e con pouco mantemento. A súa presenza duplicouse en España en poucos anos, pasando de 882 gasolineiras en 2019 a máis de 2.000 a finais do pasado ano. Un novo modelo de negocio que se consolida fronte as grandes marcas.