Os comerciantes din que as rebaixas de inverno están sendo frouxas

As rebaixas de inverno non están a dar os resultados que agardaban os comerciantes. Este primeiro mes de vendas está a ser máis frouxo do habitual. 

As vendas resístense malia que a maioría das tendas ofrecen xa descontos entre o 50 e o 70 %. Os comerciantes din que a campaña deste ano arrancou con forza, pero que, despois duns primeiros días bos, as vendas se estancaron. Cren que a covid e a suba da luz e o gas fan que non destinemos tanto presuposto ás compras. 

Tradicionalmente as rebaixas de inverno supuñan un revulsivo para as tendas, pero as ofertas continuas que agora ofrecen a maioría dos establecementos e a crise da covid están facendo que os clientes se resistan. Os comerciantes piden que se volvan a establecer períodos fixos para facer descontos.