As redes sociais marcan como novo punto para mocear os corredores dos supermercados

Este vídeo de humor foi a chispa que acendeu a mecha dunha nova tendencia viral arredor de saír a ligar ao supermercado, pero hai cousas a ter en conta.

"Existe a hora para 'ligar', de sete a oito da tarde".

"Vin que hai como un horario no que a xente vai 'ligar'".

Unha piña é a clave para amosar que buscamos parella, pero tamén hai outros códigos dependendo do que busque cadaquén.

"Analízase moito se, por exemplo, unha persoa colle cousas frescas non é de fiar, busca algo pasaxeiro", di a psicóloga Lara Ferreiro.

"Saen nas redes ata a que produtos tes que ir".

A idea non convence a uns. 

"Penso que é unha moda pasaxeira".

"Unha campaña publicitaria".

Mentres que outros amosan interese.

"Acabo de sabelo, pero vale, hai que intentalo".

A nova xera sorpresa e risa a partes iguais entre os maiores.

"Oíno na televisión e paréceme unha parvada das grandes".

"Non lles sobrará a onde ir".

"Se a todos lles gusta o mesmo ao mellor é bo".

Sexa humor ou realidade, a moda esténdese xa a outros supermercados e enche de vídeos as redes sociais.