Varias asociacións de Quiroga promoven unha ponte colgante de 700 metros
Utilizaríase como un recurso turístico máis, e permitiría coñecer de preto o pregamento xeolóxico de Campodola
A ponte colgante que proxectan en Quiroga é sorprendente polas súas dimensións e polo seu emprazamento.
"Sería unha referencia mundial, coas catenarias máis longas do mundo", explica Juan Luis Vázquez, representante das asociacións de Quiroga que promoven a ponte.
Mantén que sería "un revulsivo turístico". Estaría moi próxima ao pregamento xeolóxico de Campodola, pero fóra da zona de protección que supón o Xeoparque Montañas do Courel.
"Revitalizará a zona e creará unha ruta circular de cinco quilómetros", achega Aitor Baldomir, autor do deseño desta ponte colgante.
Trátase dunha pontella peonil de case 700 metros que é coma unha ponte tibetana, das que hai en Cantabria ou Portugal.
"Ten pequenas oscilacións o andar", advirte Rubén Diego, xerente dunha empresa que fixo unha ponte semellante en Cantabria.
"É a ponte máis alta e longa da península", manifesta o outro autor do deseño da ponte, Arturo Fontán.
O proxecto está deseñado, falta tramitalo e atoparlle financiamento.
