Ata 2.700 dependentes galegos que están en lista de espera recibirán a partir de xaneiro unha axuda directa da Xunta
Ata 2.700 dependentes galegos que están en lista de espera recibirán a partir de xaneiro unha axuda directa da Xunta
Ata 2.700 dependentes galegos que están en lista de espera recibirán a partir de xaneiro unha axuda directa da Xunta
O obxectivo do Goberno galego é darlles apoio mentres agardan a seren atendidos de forma definitiva
Alfonso Rueda di que isto é posible porque en Galicia os orzamentos de 2025 van entrar en vigor en menos dunha semana
A Xunta dá un paso máis para apoiar os dependentes. A partir de xaneiro todos os galegos que teñan recoñecido o dereito á prestación pero estean agardando por unha praza pública nunha residencia ou nun centro de día ou por atención a domicilio percibirán unha axuda directa do Goberno galego. Serán 2.700 os beneficiarios. Di Alfonso Rueda que isto é posible porque en Galicia os orzamentos de 2025 van entrar en vigor en menos dunha semana.
O presidente da Xunta de Galicia asegura que "as persoas que están valoradas e optan por unha prestación, mentres non se lles poida dar esa prestación que polo menos teñan unha axuda da Xunta de Galicia".
"Ás persoas maiores que todo o deron e todo o achegaron, hai que devolverlles iso, sobre todo ás persoas dependentes", explica Rueda. No 2025, a Xunta tamén vai axilizar as valoracións para a dependencia e os tempo de espera.
Alfonso Rueda visitou os maiores que participan no programan Xuntos polo Nadal en Nigrán. Leva 6 anos en marcha e estas festas benefícianse del 270 persoas.
