Atopan morta unha persoa na AP-9V en Vigo
Atopan morta unha persoa na AP-9V en Vigo
A vítima, un home de 33 anos, puido ser atropelada
Un atropelo semella ser a causa da morte dun home de 33 anos cuxo corpo apareceu tendido na estrada en Vigo. Segundo informa o 112 estaba no kilómetro 2 da AP-9V, en Teis, nun dos ramais de saída da autoestrada. Foron os condutores que circulaban pola zona sobre as seis da pasada madrugada os que alertaron do suceso.
🔴 #AXEGAInforma dunha persoa á que atoparon falecida tendida na estrada en #Vigo.
— 112 Galicia (@112Galicia) December 25, 2024
📍 Km. 2 da AP-9V, Teis.
➡️ Os alertadores sinalaron un posible atropelo.
🚨 Urxencias Sanitarias de Galicia-061, @guardiacivil de Tráfico, @policia, Policía Local e mantemento. pic.twitter.com/VHgMHuoVma
Ata o lugar do suceso desprazáronse efectivos da Garda Civil, da Policia Local e do 061, ademais de persoal de mantemento.
A vitima podería estar regresando de celebrar a Noiteboa e as primeiras hipóteses apuntan a un atropelo e posiblemente á fuga do vehículo implicado. As cámaras da autoestrada poderían axudar a esclarecer o suceso, mentres o corpo da vítima foi trasladado polos servizos funerarios ata o hospital Nicolás Peña onde se lle practicará a autopsia.
