Atrincheirada unha familia nunha casa de Miranda de Ebro tras unha disputa a tiros
Atrincheirada unha familia nunha casa de Miranda de Ebro tras unha disputa a tiros
Ao parecer o conflito que enfronta estas dúas familias ten relación cun roubo
![](https://img-g24-crtvg.flumotion.com/prog24/2023/20230607/20230607TiroteoBurgos.png)
Varias dotacións da Policía Nacional manteñen a vixilancia sobre unha vivenda da zona vella de Miranda de Ebro, en Burgos, onde unha familia está atrincheirada despois de que pola tarde se producise un enfrontamento e un tiroteo entre integrantes de dous clans, ao parecer sen que se rexistrasen feridos.
Fontes veciñais e testemuñas explicaron que o enfrontamento se produciu á primeira hora da tarde na contorna da ponte de Carlos III, na entrada da parte vella de Miranda de Ebro.
Os axentes mantéñense na zona, onde ducias de persoas están na rúa, sen poder acceder a unha área que permanece acordoada pola policía e nun ambiente de tensión.
Ao parecer o conflito que enfronta estas dúas familias ten relación cun roubo e ata o inmoble, situado na rúa Real Aquende, desprazáronse dotacións de antidisturbios e bombeiros para tratar de atopar unha das armas con que puideron realizarse disparos.