Aumenta o destino de interior, que valora especialmente a tranquilidade e a paisaxe

A calor é abafante, pero o encanto do lugar paga a pena. A Ribeira Sacra exhibe os seus atractivos en forma de patrimonio cultural, pero tamén de paisaxe e natureza.

É o que destacan os turistas pouco antes de subir ao catamarán polo río Sil. É outra forma de apreciar a riqueza da zona.

Os viñedos en socalcos para aproveitar o máximo o sol forma parte deste territorio que desde hai uns anos vive unha explosión turística, sobre todo para os que buscan tranquilidade.

Unha situación da que se pode gozar ao longo de todo o ano.