Aumentan ata case 850 as agresións a médicos en 2022
Aumentan ata case 850 as agresións a médicos en 2022
En Galicia rexistráronse 10 casos
Atención primaria e os PAC é onde se producen a maioria dos ataques
As agresións a médicos van en aumento. O ano pasado superouse o récord desde que hai rexistros, con case 850 ataques físicos ou verbais, segundo o Consello Xeral de Colexios Médicos. En atención primaria e nos PAC é onde se producen boa parte das agresións.
Segundo o observatorio do Consello Xeral de Colexios Médicos, as agresións acadaron o ano pasado en España o seu máximo histórico. Rexistráronse 843 casos, case un 40 por cento máis que o ano anterior. A maior parte son ataques verbais: ameazas, insultos, coaccións.
En Galicia o ano pasado denunciáronse 10 casos de agresións a facultativos. Aínda que dende colectivo din que tan só é a punta do iceberg, xa que a maior parte non se denuncian.
Dende o colectivo demandan máis medidas de seguridade nos centros e campañas de concienciación social para pór freo as agresións.
