Aviso amarelo en Ourense por calor

Ás doce do mediodía os termómetros xa acadaban en varios puntos da provincia de Ourense os 30 graos e para esta tarde, segundo as previsións meteorolóxicas, poden subir ata os 37 en toda a zona do Miño, unha calor intensa que uns levan mellor ca outros.

A moita xente custoulle esta noite prender no sono e é que a primeira hora da mañá en varias localidades tiñan máis de 20 graos e facía falta xa o abano.

E este verán vén de repente despois dunha primavera inestable e con moitas treboadas.

De todos é sabido que ante estas altas temperaturas hai que protexerse.

Este tempo típico de verán continuará mañá pero con algúns graos menos e en principio xa sen aviso amarelo.