Baiona recupera a Festa da Arribada cunha ampla variedade de actividades

Viaxar no tempo volve ser posible en Baiona. Despois da parada pola pandemia o concello pontevedrés recuperou a Festa da Arribada. 

Durante toda a fin de semana será posible ver de preto o traballo dos antigos artesáns, gozar da música e por suposto da gastronomía. Tamén hai representacións teatrais, torneos medievais ou combates de esgrima.

Todo para conmemorar o regreso de Martín Alonso Pinzón e a tripulación da danada carabela La Pinta o 1 de marzo de 1493, que deu a coñecer á poboación baionesa a primicia do descubrimento de América.