Comeza a Festa da Arribada en Baiona

Xa se respira ambiente de festa en Baiona. Este venres comeza a Arribada e agárdanse máis de 150.000 visitantes durante a fin de semana.

Parte fundamental da festa son os traxes de época. Este ano recupérase o gran desfile medieval. En total, instaláronse máis de 200 postos de artesanía e gastronomía en distintos lugares da vila. Non faltarán a música nin espectáculos para toda a familia.

As recreacións da chegada da carabela A Pinta coa nova do descubrimento de América serán o sábado ás oito e o domingo ás seis e media da tarde.