Betanzos alerta da posible reaparición do virus na auga e pide evitar o seu consumo

O Concello de Betanzos alertou da posible presenza na auga do norovirus que hai unhas semanas provocou un  gromo de gastroenterite e pide evitar o seu consumo, polo menos, durante as próximas 48 horas.

Nun comunicado, o Concello informou de que o norovirus se detectou no río e no depósito de cabeceira do servizo.

Estas mostras tamén foron analizadas por laboratorios da Universidade de Santiago, que non detectaron os mesmos parámetros, daquela, Concello, Augas de Galicia e Sanidade acordaron realizar novas análises. Os resultados coñeceranse en 48 horas.

De momento, non se tomaron medidas restritivas pero o Concello fixo un chamamento á poboación para que, na medida do posible, evite a inxestión de auga e non a utilice para hixiene bucodental durante as próximas 48 horas.

O gromo de gastroenterite empezou o 28 de maio e afectou unhas 500 persoas.