Brutal agresión no centro de Ourense polo suposto roubo dun móbil
Brutal agresión no centro de Ourense polo suposto roubo dun móbil
Tres persoas patearon un home na rúa porque supostamente lle quitou o teléfono a unha muller alegando que pretendía gravalo
Tres presuntos agresores foron identificados e postos a disposición xudicial por un delito de lesións
O ferido foi trasladado ao hospital cunha fenda na cabeza
Rexistrouse unha nova liorta esta fin de semana. Desta vez na rúa Concordia, no centro de Ourense e a plena luz do día. Varias persoas agrediron un home que lles quitara un dos seus móbiles pensando que o estaban gravando. Cando chegou Policía local os agresores soltaron a vítima.
A malleira foi gravada por varios veciños da rúa que saíron ao balcón alertados polos berros e o forte balbordo. Ocorreu arredor das oito e media da mañá.
Ao parecer, todo comezou porque a vítima, un home, supostamente lle quitou o teléfono móbil a unha das agresoras, porque entendeu que ía gravalo. Cando o agredido caeu ao chan, tres persoas abalanzáronse sobre el e pateárono e causáronlle feridas graves na cabeza.
"Atizáronlle ben e atopáronlle o móbil entre os pantalóns", sinala unha testemuña residente na rúa.
Foi precisa a intervención de varios axentes da Policía Local e tamén da Nacional. O ferido foi trasladado ao hospital e os agresores foron identificados e pasaron a disposición xudicial como supostos autores dun delito de lesións.
