Bruxelas propón eliminar o gasóleo nos barcos, pero non contempla axudas
Bruxelas propón eliminar o gasóleo nos barcos, pero non contempla axudas
O obxectivo é acabar cos combustibles fósiles de aquí a 2050
O sector pesqueiro di que non pode asumir os custos da transición enerxética dos buques
A implantación de enerxías renovables a bordo suporá incorporar nova tecnoloxía, cambiar os motores e construír novos buques, uns custos que para os armadores son inasumibles.
A Comisión Europea traballa na folla de ruta para eliminar o gasóleo nos barcos, pero non contempla axudas para o sector. O propio fondo europeo de pesca prohibe as subvencións para a construción de buques de máis de 24 metros de eslora e para o cambio de motores. Ante esta limitación o sector pide que se activen mecanismos de axuda.
Apoian a iniciativa de Bruxelas pero cren que o camiño será longo.
Os armadores salientan ademais que as emisións de gases contaminantes nos buques pesqueiros son moi pequenas en comparación con outro tipo de barcos como os portacontedores e os petroleiros.
