Buscan en Galicia aos herdeiros dunha muller falecida en Barcelona que non fixo testamento

Buscan en Galicia os posibles herdeiros dunha muller que faleceu en Barcelona sen deixar feito o testamento. A Administración catalá quere saber se a muller ten descendentes que poidan repartir as súas propiedades antes de pasar a mans do Estado. Segundo datos do Colexio Xeral do Notariado, preto dun dez por cento das herdanzas en España quedan sen dono. 

Cando unha persoa falece sen deixar testamento, o que ten lugar é unha sucesión intestada.
Entón o Código Civil e tamén as normativas galega e catalá establecen cales son as persoas que teñen que herdar en primeiro lugar, e así sucesivamente. Ademais de facilitarlles os trámites, tamén lles estaremos aforrando cartos.

Un testamento pode custar 50 ou 60 euros e unha declaración de herdeiros ante notario pode chegar aos 200, e ademais tamén están os tempos de espera. E, o máis importante, saber que o testamento pode modificarse tantas veces como se queira.