Cargando resultados...
Un incendio calcina unha casa en Mondariz-Baleneario
Un incendio calcina unha casa en Mondariz-Baleneario
Todo indica que o lume comezou nunha cociña da vivenda
Os bombeiros traballaron durante horas ata que quedou totalmente sufocado
G24.gal
29/08/2022 13:45
Susto a carón do balneario de Mondariz. Uns xogadores de golf alertaron do incendio dunha casa que está a carón do complexo hoteleiro. Crese que o lume xurdiu nunha das cociñas que hai na vivenda.
Non houbo que lamentar feridos, e ao lugar acudiron os Bombeiros do Baixo Miño, membros do GES de Ponteareas, a Garda Civil de Pontevedra. Tiveron que ser efectivos das brigadas forestais os que forneceron de auga para as tarefas de extinción.
Unha vez que chegou a dotación, viron que o lume estaba nun estado moi desenvolvido e que pasaba a parte da cuberta. Agora as tarefas están case finalizadas e quedou afectada case a práctica totalidade da estrutura.