O Camiño de Santiago nega que haxa unha praga de chinches na Ruta Xacobea

O Camiño de Santiago desmente a existencia dunha praga de chinches na Ruta Xacobea. Así o sinalan a federación do Camiño Francés e a Asociación Galega de Albergues Privados, e tamén albergues de Navarra, Huesca, A Rioxa, Burgos e León.

Din que o problema coas chinches non é masivo, senón que unicamente detectaron casos illados entre algúns peregrinos. Lembran tamén que hai xa anos que se aplican protocolos específicos ante calquera posible gromo.