Carlos Mazón xura o cargo como presidente da Generalitat Valenciana
Carlos Mazón xura o cargo como presidente da Generalitat Valenciana
O popular pide consensos para gobernar, e nos próximos días anunciará a composición do seu executivo con Vox
Carlos Mazón xa é o novo presidente da Generalitat Valenciana. O candidato popular xurou o cargo no Parlamento autonómico, e no seu primeiro discurso asegurou que comeza unha etapa de cambio na comunidade.
"Un novo proxecto de cambio para a Comunidade Valenciana, non concibo maior honor e maior responsabilidade. Por iso, como dixen no meu discurso de investidura, téndolles a man a todos: non só aos partidos políticos, tamén ao conxunto da sociedade".
En presenza de Isabel Díaz Ayuso e Cuca Gamarra, Mazón reivindicou o autogoberno e propuxo consensos. Nos próximos días dará a coñecer a composición do seu executivo de coalición con Vox.
Tras a toma de posesión, o novo presidente valenciano foi recibido polo seu antecesor, Ximo Puig, no Palacio da Generalitat para escenificar a remuda.
