Chegan as centolas aos mercados galegos

Este martes chegaron as primeiras centolas aos mercados galegos. Os vendedores din que houbo capturas, pero non tantas como as que agardaban por mor do temporal costeiro.

Os prezos van en función do tamaño, oscilan entre os 18 e os 28 euros. Con todo, hai vendedores que din que o quilo vai cinco euros máis caro que o ano pasado.

Con todo, había ganas delas e xa houbo quen as levou para a casa. Os vendedores confían en que esta sexa unha boa campaña.