Chegou o sol, e con el un respiro para os negocios de praia

Contan en Sanxenxo que despois de tanta chuvia, mesmo na Semana Santa, estaban esperando polo verán.

Nos días pasados, xa a mediados de xullo, o tempo pouco estival levou a que os hoteis sufrisen cancelacións e anulou reservas no club de paddle surf. 

Igualmente, as terrazas non tiñan tanta vida, e pouca clientela entraba nas tendas de artigos de praia.

Pero agora, mirando o ceo cun sorriso, celebran que a cousa comece xa a arrancar. E din con esperanza que parece que xa, por fin, chegou o verán.