Clausuran o edificio de Vigo que sufriu un incendio en que morreron catro persoas
Clausuran o edificio de Vigo que sufriu un incendio en que morreron catro persoas
Este xoves os veciños que residían nas vivendas ocupadas puideron acceder para recoller as súas pertenzas
O edificio que Vigo en que se rexistrou o pasado mércores de madrugada un incendio que acabou coa vida de catro persoas da mesma familia -unha nai e tres dos seus fillos- e resultaron feridas outras nove persoas -entre elas o pai e outra filla- foi clausurado este venres.
Desde que se produciu o incendio, o edificio, que ten cinco andares e dez vivendas, estivo custodiado pola Policía Local, que o xoves deu acceso ao inmoble aos veciños que o ocuparan para que recollesen as súas pertenzas.
Este venres, procedeuse a clausuralo e, para iso, os obreiros levantaron unha parede e colocaron unha porta nova.
A Policía Científica non finalizou o seu informe e a Nacional continúa coas indagacións para esclarecer o sucedido.
Fontes policiais aseguraron que "todas as hipóteses están abertas", tanto a dun incendio accidental como intencionado.
