A iluminación de Nadal leva ao colapso de tráfico no centro e nos accesos a Vigo

Estes días está a ser complicado circular e mesmo chegar a Vigo en coche. O atractivo da iluminación de Nadal está a xerar importantes atascos na cidade, sobre todo polas tardes. Non só hai problemas de circulación no centro, tamén se forman atascos nas entradas á cidade.

Os que poden xa evitan coller o coche polas tardes, algo imposible para moitos profesionais, como os encargados do repartimento. Unha agonía que contrasta coa satisfacción na hostalería, con cheos a diario e coa ledicia dos visitantes.

Estes días chegaron a entrar na cidade ata 56.000 vehículos particulares.